У Менску пачаў дзейнічаць мабільны інтэрнэт
- 4.10.2020, 18:26
Мабільны інтэрнэт-доступ адноўлены ў поўным аб'ёме.
Прапускная здольнасць мабільнага інтэрнэту, зніжаная на пэўны час праз правядзенне ў нядзелю ў Менску масавай несанкцыянаванай акцыі пратэсту, цалкам адноўленая, паведаміў правайдэр А1.
"На 18.05 выкананне паслугі перадачы звестак адноўленае ў поўным аб'ёме", - гаворыцца ў паведамленні на афіцыйнай twitter-старонцы кампаніі.
Раней кампанія інфармавала, што "ў адпаведнасці з распараджэннем упаўнаважаных дзяржаўных органаў 4 кастрычніка ў Менску зніжана прапускная здольнасць мабільнага інтэрнэту". "Выкананне гэтага патрабавання вядзе да пагаршэння якасці сэрвісу перадачы звестак або часовай недаступнасці паслугі", - папярэдзілі там.
У нядзелю ў Менску праходзіць чарговая шматтысячная акцыя пратэсту.
У Беларусі ўжо блізу два месяцы доўжацца акцыі пратэсту супраць вынікаў выбараў прэзідэнта, якія прайшлі 9 жніўня.