Салігорск выйшаў на шэсце

• 3.10.2020, 15:35

Спачатку жыхары горада сабраліся ў парку Чатырох cтыхій, а потым пайшлі шэсцем.

Заклікі сабрацца 3 кастрычніка ў Салігорскім парку Чатырох стыхій з'явіліся ў тэлеграм-каналах Салігорска за некалькі дзён да прызначанай даты, паведамляе «Радыё Свабода».

«Сабралася блізу сотня чалавек», - кажа сведка. - У парку ёсць мост, у асноўным людзі вакол яго, на самым мосце таксама. Яны пляскаюць у ладкі і скандуюць «Жыве Беларусь». Вакол вельмі шмат міліцыі. Побач з месцам збору людзей, даслоўна ў 200 метрах адсюль, знаходзіцца Цэнтральная плошча Салігорска. Там таксама сабраліся людзі на афіцыйнае мерапрыемства. Нейкі агратрэш, абласны кірмаш. Вось як гэта выглядае цяпер. Людзі прыходзяць і сыходзяць, некаторыя з кветкамі».

Пазней стала вядома, што Салігорск выйшаў на шэсце.

Акцыі пратэсту ў Салігорску пачаліся ў дзень выбараў, 9 жніўня, і прадаўжаліся некалькі тыдняў. Людзі збіраліся ў цэнтры горада на Цэнтральнай плошчы, ля райвыканкама і галоўнага будынка «Беларуськалію». Там пасля 17 жніўня сталі збірацца шахцёры, якія далучыліся да страйку прадпрыемства. Іх сходы адбываліся кожную раніцу на адной і той жа Цэнтральнай плошчы.