Нарвегія далучыцца да санкцый ЕЗ супраць рэжыму Лукашэнкі

• 3.10.2020, 14:31

Пра гэта паведаміла кіраўніца нарвежскага МЗС.

Нарвегія далучыцца да санкцый ЕЗ супраць рэжыму Лукашэнкі, пастанова аб якім была прынятая ў пятніцу. Пра гэта паведаміла кіраўніца нарвежскага МЗС Іне Эрыксен Сёрэйдэ, паведамляе ТАСС.

«Як мы апавяшчалі раней, Нарвегія рушыць услед за ЕЗ і ўвядзе абмежавальныя захады супраць тых жа людзей, што і ЕЗ», - прыводзіць яе словы Нарвежскае тэлеграфнае бюро. Нарвегія не з'яўляецца сябрам Еўразвязу.

ЕЗ апублікаваў у пятніцу ў Афіцыйным часопісе Еўразвязу і ўвёў такім чынам у дзеянне чорны спіс, у які ўключаныя 44 прадстаўнікі рэжыму Лукашэнкі. Пад санкцыі, дарэчы, патрапілі кіраўнік МУС Юрый Караеў і старшыня ЦВК Лідзія Ярмошына.