Менчукі ЖК «Мегаполіс» выратавалі нацыянальны сцяг ад лукашэнкаўцаў

• 3.10.2020, 14:07

Відэа, як у кіно.

Сёння ў ЖК «Мегаполіс» прыехала тэхніка і супрацоўнікі ведамстваў, каб зняць БЧБ-сцяг з шпіля вышыннага дома. Усё прайшло не зусім гладка: супрацоўнік МНС некалькі разоў здзяйсняў небяспечны пад'ём да флагштока, піша onliner.by.

У выніку пры дапамозе дадатковага шаста яму ўсё ж такі ўдалося зняць сцяг са шпіля, але жыхары, якія назіралі за ўсім, што адбывалася ля падножжа дома, хутка панеслі сцяг у бяспечнае месца.

Відэа публікуюць жыхары комплексу ў сваім Telegram-чаце, і яго можна глядзець бясконца.

Так выглядала першая спроба зняць сцяг.

За ёй рушыла ўслед другая, больш паспяховая. Але не такая паспяховая, як чакалася.

Сцяг паляцеў уніз, і з усіх бакоў да яго пабеглі людзі. «Хутчэй за ўсіх былі дзяўчынкі з двара. Яны яго падабралі і схаваліся ў невядомым кірунку», - пішуць жыхары «Мегаполіс» у сваім дваровым чаце.