Двор менскага РУУС закідалі кактэйлямі Молатава
- 13.10.2020, 12:46
Часткова згарэў службовы аўтобус.
Уночы ў двор Савецкага РУУС кідалі кактэйлі Молатава. Гарэў службовы аўтобус. Пра гэта паведамляе тэлеграм-канал прэс-сакратара МУС Беларусі.
Гэта здарылася пад 5 гадзін раніцы, у двор управы закінулі тры бутэлькі з запальнай сумессю.
Адзін з набояў трапіў у службовы аўтобус, той загарэўся. Міліцыянты не дазволілі полымю ахапіць транспартны сродак цалкам, але ён пашкоджаны.