Сяргей Ціханоўскі сустрэўся ў турме з Сашам Тараканам
- 12.10.2020, 18:49
Але дзяржаўныя прапагандысты пабаяліся гэта паказаць.
10 кастрычніка Сяргей Ціханоўскі прысутнічаў на сустрэчы Лукашэнкі з палітвязнямі ў СІЗА КДБ.
Пра гэта «Эху Москвы» распавёў адвакат арыштаванага паліттэхнолага Віталя Шклярава Антон Гашынскі.
Раніцай 12 кастрычніка адвакат Віталя Шклярава Антон Гашынскі сустрэўся са сваім падабаронным, а затым распавёў журналістам падрабязнасці ягонай сустрэчы з Лукашэнкам.
«Я ўбачыў Віталя сёння - Лукашэнка запрасіў яго на размову з Ціханоўскім і Бабарыкам, якіх Віталь бачыў на гэтай сустрэчы ўпершыню», - сказаў Гашынскі.
10 кастрычніка Лукашэнка сустрэўся з палітвязнямі ў СІЗА КДБ.
Дзяржаўныя прапагандысцкія СМІ і тэлеграм-канал, блізкі да прэс-службы Лукашэнкі, апублікавалі змантаваныя відэакадры сустрэчы, ні на адной з якіх не захаваны Сяргей Ціханоўскі. Вы можаце бачыць толькі край шапкі, руку і вуха. Імаверна, гэта і быў Сяргей Ціханоўскі, адзначае svaboda.org.
У той жа дзень Святлана Ціханоўская апублікавала аўдыё тэлефоннай размовы са сваім мужам, у якой ён папрасіў яе паводзіць сябе больш «жорстка» ў дачыненні да рэжыму.