Нагорны Карабах: Арменія і Азербайджан вінавацяць адно аднаго ў новых абстрэлах
- 12.10.2020, 9:46
Паміж краінамі дзейнічае рэжым перамір'я.
Арменія і Азербайджан зноў абмяняліся абвінавачваннямі ў парушэнні перамір'я ў раёне Нагорнага Карабаха, піша «Новы час».
Як напісала ў сябе ў Facebook прэс-сакратарка Міністэрства абароны Арменіі Шушан Сцепанян, Узброеныя сілы Азербайджана вядуць інтэнсіўны артылерыйскі абстрэл на паўднёвым кірунку.
Таксама яна дадала, што ўначы сітуацыя ў раёне Нагорнага Карабаха заставалася напружанай.
У сваю чаргу ў Міністэрстве абароны Азербайджана паведамілі, што Узброеныя сілы Арменіі раніцай 12 кастрычніка абстралялі Геранбойскі, Тэртэрскі і Агдамскі раёны.
Акрамя таго, паводле інфармацыі ўстановы, ноччу ўзброеныя сілы Арменіі «некалькі разоў распачалі спробу атакаваць пазіцыі азербайджанскай арміі невялікімі групамі ў Агдэры-Агдамскім і Фізулі-Джэбраільскім напрамках з мэтай вярнуць страчаныя пазіцыі».