Ранальду - першы гулец, які забіў 400 галоў у топ-5 еўрапейскіх ліг
- 21.10.2018, 19:46
84 галы знакаміты футбаліст забіў за «Манчэстар Юнайтэд».
Нападнік «Ювэнтуса» Крышціяну Ранальду адкрыў лік у матчы 9-га тура серыі А з «Джэноа» (1:1, другі тайм), піша tribuma.com.
Для 33-гадовага партугальца гэты гол стаў 400-м, які ён забіў у топ-5 еўрапейскіх ліг: 84 галы за «Манчэстар Юнайтэд», 311 мячоў за «Рэал» і 5 галоў за «Ювэнтус». Рональду стаў першым гульцом у гісторыі, які дасягнуў гэтай адзнакі.
На другім месцы форвард «Барсэлоны» Ліянэль Месі (388 галоў), затым ідуць Джымі Грыўз (366), Герд Мюлер (365), Стыў Блумер (317), Дыксі Дын (310).