Вім Фісет: Мяркую, гэта можа быць выдатны год для Вікі
- 9.03.2015, 17:34
Да старту турніру BNP Paribas Open засталося ўсяго некалькі дзён.
Вікторыя Азаранка разам са сваім новым спарынг-партнёрам Сашам Бажынам і астатнімі чальцамі каманды адправілася ў Індыян-Уэлс, піша «Трибуна».
Трэнер беларускі Вім Фісет распавёў, што на гэтым тыдні яны ўпершыню трэніраваліся разам.
У тэнісе спарынг-партнёр часцяком робіць больш, чым проста трэніруе зорку. Часам яму прыходзіцца быць псіхолагам, афіцыянтам, кіроўцам і нават целаахоўнікам.
«Я вельмі рады, што Саша цяпер у нашай камандзе, - сказаў Вім Фісет CNN.com па электроннай пошце. - Саша - выдатны хлопец...і мае вялікі досвед працы з Серэнай».
«Я бачыў, як добра Саша б'е па мячы, і ведаю, што ён - выдатны тэнісіст і можа забяспечыць гульцу найлепшы рытм, што з'яўляецца надзвычай важным».
«З іншага боку, вельмі добра, калі ў камандзе ёсць людзі з досведам перамог на турнірах Вялікага шлема. Гэта заўсёды вельмі важна. Саша ведае, што гэта такое быць у паўфіналах і фіналах турніраў Вялікага шлема».
Ніхто не раскрывае прычын развітання Бажына і Серэны Уільямс. Вім Фісет сказаў, што «быў здзіўлены», што Бажын вольны.
«Саша працаваў з Серэнай столькі гадоў, я адчуваў, што ў іх былі выдатныя стасункі, больш чым гулец і спарынг-партнёр. Мне здавалася, што яны сябры».
«Але гэта не мая справа, ведаць, што пайшло не так. Можа быць, ім абодвум патрэбен новы выклік. Я думаю, усе будуць памятаць, як доўга яны працавалі, і якіх выдатных вынікаў дамаглася Серэна цягам гэтага часу».
Альянс Азаранкі з Бажынам з'яўляецца яшчэ адным змяненнем у камандзе беларускі. Некалькі тыдняў таму яна стала працаваць з Вімам Фісетам, пасля растання з французам Сэмам Сьюмікам.
«З першай сустрэчы я адчуў добры кантакт з Вікторыяй, і пасля першых двух тыдняў працы я адчуваю, што ў нас складваюцца добрыя ўзаемастасункі. Віка вельмі матываваная вярнуцца на вяршыню і стаць найлепшым гульцом. Гэта тое, што я адчуваю на корце, і я мяркую, што гэта можа быць выдатны год для яе».
«Я мяркую, Віка вяртаецца. Яна выдатная тэнісістка і класная шоў-вумен».