Дзясяткі тысяч албанцаў прыйшлі на імшу Папы Рымскага ў Тыране
- 21.09.2014, 15:30
Албанцы ўсіх веравызнанняў прыйшлі на імшу на плошчы Маці Тэрэзы ў Тыране.
Яе праводзіць Папа Рымскі Францішак, паведамляе BBC.
У час сустрэчы з прэзідэнтам Албаніі кіраўнік Рымска-каталіцкай царквы сказаў, што мірнае рэлігійнае суіснаванне хрысціян і мусульман у пераважна мусульманскай Албаніі можа стаць прыкладам для іншых краін.
Візіт Папы праходзіць з захаваннем жорсткіх мер бяспекі - каля трох тысяч паліцэйскіх патрулююць горад.
Раней у заходніх СМІ з'яўлялася інфармацыя, што звязаныя з групоўкай «Ісламская дзяржава» баевікі могуць рыхтаваць замах на Францішка.
Службы бяспекі Ватыкана заявілі, што не збіраюцца ўносіць змены ў праграму або мяняць маршрут пантыфіка.