Кантралёры адрозніваюць школьнікаў ад студэнтаў «на вока»

• 8.12.2010, 17:58

Пакуль што іншых спосабаў адрозніваць «платнікаў»-студэнтаў ад ільготнікаў-школьнікаў не існуе.

Пра гэта «Еўрарадыё» паведаміў кіраўнік упраўлення арганізацыі перавозак «Менсктранса» Сяргей Ясінскі.

Паводле яго словаў, сістэму адрознення плануецца адладзіць да канца тыдня.

«Дзейнічае з учорашняга дня. Сістэму хутка адладзіць не атрымалася, вядома. Але, мяркую, да пятніцы яна будзе прадстаўленая. Пакуль адрозніваем візуальна», - кажа Ясінскі.