Шушкевіч стаў ганаровым доктарам Люблінскага ўніверсітэта

• 1.07.2009, 17:36

Былому старшыні Вярхоўнага Савета Станіславу Шушкевічу прысвоілі ступень ганаровага доктара Люблінскага каталіцкага ўніверсітэта імя Яна Паўла ІІ.

Афіцыйная цырымонія адбылася сёння ў межах святкавання 440-годдзя Люблінскай уніі, паведамляе «Еўрарадыё».

Разам са Станіславам Шушкевічам ганаровымі дактарамі сталі прэзідэнт Украіны Віктар Юшчанка, кіраўнікі Польшчы і Літвы Лех Качынскі і Валдас Адамкус, а таксама прэзідэнты Латвіі і Эстоніі, якіх на цырымоніі прадставілі амбасадары гэтых краінаў, паведамляе прэс-служба ўкраінскага прэзідэнта.

Нагадаем, што Аляксандр Лукашэнка на святкаванне 440-годдзя Люблінскай уніі запрошаны не быў.