У Пружанах працаўнікам замест даплаты выдаюць ачысткі ад крэветак
- 17.06.2009, 15:51
На «Трансэкспрэсе», заводзе па перапрацоўцы морапрадуктаў у Пружанах, увялі больш жорсткія ўмовы для кантрактнікаў.
Паводле дамовы, кожны працоўны павінен ачысціць 100 кг крэветак, каб зарабіць 100 тысяч рублёў, паведамляе «Еўрарадыё».
На прадпрыемстве нізкія заробкі — ад 100 да 400 тыс. рублёў. Затое супрацоўнікі могуць бясплатна браць крэветачныя ачысткі на ўгнаенне.
Летась прадпрыемству забаранілі прадаваць ачысткі, і яно спынілася з-за загружанасці ўгнаеннем. Цяпер гэтае ўгнаенне раздаюць працоўным.