Менск аб'яўляе Маскве «бананавую» вайну
- 12.06.2009, 11:01
Афіцыйны саюз прадпрымальнікаў заклікае віцэ-прэм'ера абараніць беларусаў ад «шэрага» імпарту з Расеі.
Арганізацыя "Менскі сталічны саюз прадпрымальнікаў і працадаўцаў" прапаноўвае маркіраваць імпартуемыя ў Беларусь бананы і цытрусавыя кантрольна-ідэнтыфікацыйнымі маркамі для абароны ад «шэрага» імпарту з Расеі.
Ліст з адпаведнай прапановай 10 чэрвеня саюз накіраваў на імя намесніка прэм'ер-міністра Беларусі Андрэя Кабякова, перадае «Інтэрфакс».
Як вядзецца ў лісце, апублікаваным на сайце МССПІП, "апошнія некалькі месяцаў склаліся ўмовы, у значнай меры спрыяльныя лавінападобнаму росту "шэрага" імпарту бананаў і цытрусавых з Расейскай Федэрацыі".
Адной з асноўных прычын гэтага, лічаць у саюзе, з'яўляецца тое, што ўвазныя мытныя пошліны з-за розных індыкатыўных коштаў на некаторыя з гэтых прадуктаў у Беларусі склаліся вышэй, чым у РФ.
Там таксама адзначаюць, што "у сувязі з падзеннем коштаў на цытрусавыя і бананы ў РФ, выкліканыя велізарнымі плынямі паставак у порт Санкт-Пецярбурга (да 80% ад агульнага аб'ёму расейскага рынка) аптовыя кампаніі часта распрадаюць гэтыя тавары па вельмі нізкім коштам".
"У сувязі з адсутнасцю ў порце Санкт-Пецярбурга мытных складоў па захоўванні бананаў і цытрусавых, уся прадукцыя, якая паступае, размытняецца і адпускаецца ў вольнае абарачэнне у РФ. Для афіцыйнага ўвозу дадзенага тавара ў Беларусь праводзіцца паўторная мытная чыстка ў сувязі з паходжаннем тавара з трэціх краін. З чаго атрымліваецца, што легальны ўвоз дадзенай прадукцыі ў нашу рэспубліку становіцца эканамічна невыгодным", - вядзецца ў лісце.
"Гэтыя прычыны і шэраг іншых спрыяюць таму, што рэнтабельнасць аперацый па імпарце з Расейскай Федэрацыі бананаў і цытрусавых без выплаты ўвазных мытных пошлін і ПДК у 3-4 разы можа перавышаць рэнтабельнасць пры законным увозе. Продажны кошт у Беларусі пры гэтым можа быць ніжэй на 30-50%", - канстатуюць у МССПІП.
Па адзнаках экспертаў саюза, узровень "шэрага" імпарту бананаў і цытрусавых дасягнуў 30-45% і мае тэндэнцыю да наступнага росту.
"У гэтай сітуацыі актуальным становіцца пытанне: ці выжывуць афіцыйныя імпарцёры рэспублікі ва ўмовах імклівага падзення выручкі або вымушаныя будуць сыйсці з рынка", - адзначаецца ў лісце.
Па сцвярджэнні МССПІП, "у наяўнасці прыкметы нядобрасумленнай канкурэнцыі. У удзельнікаў незаконнага ланцужка прыбытак значна вышэйшы, а кошты ніжэй па прычыне няплаты пошлін і падаткаў".
Як заяўляюць у саюзе, "законныя аптовыя гандляры сатновяцца неканкурэнтнымі па кошце, вымушаныя памяншаць аб'ёмы продажаў". Пры гэтым "сярод насельніцтва нарастае сацыяльная напружанасць пры параўнанні коштаў на латках і аптовых рынках нелегальна ўвезенай прадукцыі - яны могуць адрознівацца больш чым у 2 разы", - вядзецца ў лісце саюза.
Па адзнаках экспертаў МССПІП, шкода дзяржаве ў выглядзе недаатрыманых увазных пошлін і падаткаў складае не менш за $15 млн на год.
"У мэтах стварэння ўмоваў для добрасумленнай канкурэнцыі, абароны айчынных добрасумленных імпарцёраў, павелічэння паступленняў грашовых сродкаў у бюджэт краіны, ГА "МССПІП" прапаноўвае ўвесці абавязак імпарцёрам маркіраваць кожную скрыню імпартуемых бананаў і цытрусавых кантрольна-ідэнтыфікацыйнымі маркамі", - вядзецца ў лісце.
Па меркаванні экспертаў саюза, дадзеная мера "значна спросціць задачу хуткага азначэння легальнасці траплення на рынак рэспублікі гэтых партый тавараў і падвысіць рызыкі нелегальных імпарцёраў, будзе спрыяць напаўняльнасці бюджэту".
Звярнуўшы ўвагу на тое, што гэтыя прадукты - хутка псуюцца, і налепка марак за межамі тэрыторыі Беларусі спалучаная з высокімі рызыкамі таварных страт і адчувальнымі дадатковымі выдаткамі, МССПІП прапаноўвае прадугледзець магчымасць налепкі марак імпарцёрамі на складзе пасля выплаты мытных пошлін на працягу 1 сутак з моманту выпуску грузу ў вольнае абарачэнне.
Пры гэтым павінная быць уведзеная забарона на гандаль дадзенай прадукцыяй без кантрольна-ідэнтыфікацыйных марак, лічаць у Саюзе.