Нацбанк спрабуе прымусіць беларусаў здаць валюту

• 26.05.2009, 9:18

У мінулую пятніцу высвятліўся цікавы факт: курс пакупкі і продажу даляра ў банках амаль зраўняўся.

І ў панядзелак, 25 мая, розніца ў курсах была ўсё яшчэ невялікая. У Абсалютбанку яна і зусім складала ўсяго 1 рубель. Такога жыхары Беларусі яшчэ не бачылі: звычайна на продажы кожнага набытага ў той жа дзень даляра прыходзілася губляць да 100 рублёў, адзначае «Комсомольская правда в Беларуси».

«Вельмі зручна: можна спакойна падстрахавацца. Купіў даляры - пачакаў, паглядзеў на сітуацыю - прадаў… Нічога пры гэтым не страціў, - заўважыў эканаміст Даследчага цэнтра ІПМ Аляксандр Чубрык. - А яшчэ зараз у нас, як перад Новым годам, курс пакупкі валюты банкамі стаў вышэйшым за курс Нацбанка».

І праўда, курс даляра па Нацбанку на панядзелак - 2749 рублёў, а курс пакупкі ў БПС-банку, напрыклад, - 2790 рублёў, у Прыёрбанку - 2780 рублёў. Розніца ў курсах пакупкі і продажу ў банкаў - ад 1 да 14 рублёў. Што ж адбываецца з курсамі?

«Банкі зацікаўленыя ў куплянні наяўнай валюты, - растлумачыў Анатоль Драздоў, начальнік упраўлення інфармацыі Нацыянальнага банка РБ. - Нацбанк усталяваў абмежаванне на маржу (розніца паміж коштам валюты па Нацбанку і па курсе камерцыйнага банка, якую камерцыйны банк забірае сабе) у 2%, банкі не могуць падняць курс продажу вышэй, чым 2804 рубля за даляр. Але банкі хочуць купіць даляры, таму прапаноўваюць людзям прадаць наяўную ў іх валюту па схаднейшым курсе».

- Але людзі разумеюць усё наадварот - як стымул скупляць валюту.

- Прымусіць людзей прадаваць валюту ніхто не можа. Гэтая рынкавая прылада накіраваная на стымуляванне продажаў.