Кожнае трэцяе прадпрыемства харчовай прамысловасці – стратнае

• 19.05.2009, 9:03

Па выніках першага квартала 2009 года стратнымі былі амаль 32% прадпрыемстваў харчовай прамысловасці.

Такім чынам, сума страты склала 204,8 млрд. рублёў, адзначае БелаПАН. Стратнымі сталі 124 прадпрыемствы харчовай прамысловасці – 31,9% ад агульнай колькасці. Для параўнання, за аналагічны перыяд мінулага года са стратамі працавала 51 прадпрыемства (13,1%)

Па інфармацыі Нацыянальнага статыстычнага камітэта, у студзені—красавіку аб'ем вытворчасці павялічыўся на 0,3% па стаўленні да аналагічнага перыяду 2008 года і склаў 5 трлн. 761,6 млрд. рублёў.

Прырост адбыўся па наступных відах прадукцыі: мяса — на 15,1% (да 175,8 тыс. т); алей жывёльны — на 28% (34,7 тыс. т); тлустыя сыры — на 12,3% (44,1 тыс. т); кансервы — на 4% (184,6 млн. ум. слоікаў); макаронныя вырабы — на 17,8% (6 тыс. т), крупы — на 7,2% (14,5 тыс. т), гарэлка і лікёра-гарэлкавыя вырабы — на 6,2% (4,9 млн. даў). У 1,7 раза вырасла вытворчасць каньяку (да 94 тыс. дал).

У той жа час знізілася вытворчасць: солі — на 2,5% (132,3 тыс. т); папярос і цыгарэт — на 12,7% (5 млрд. 907 млн.); піва — на 5,6% (10,4 млн. даў); вінаграднага віна — на 9% (646 тыс. даў); мінеральнай вады — на 9% (110,8 млн. паўлітраў); цукру-пяску — на 3% (162,2 тыс. т).