Амаль 100% вырабленай прадукцыі ляжыць на складах

• 13.05.2009, 16:44

У Беларусі запасы гатовай прадукцыі на прамысловых прадпрыемствах на 1 мая 2009 года склалі 93,2% сярэднемесяцовага аб'ёму вытворчасці супраць 91,8% на 1 красавіка і 51,5% на 1 мая мінулага года.

Як паведамляе АФН са спасылкай на Белстат, у фактычных коштах складскія запасы дасягнулі 7 трыльёнаў 82 мільярдаў рублёў, павялічыўшыся з пачатку года на 42,9%.

Найбольшыя суадносіны запасаў гатовай прадукцыі і сярэднемесяцовага аб'ёму вытворчасці склаліся ў лёгкай прамысловасці - 198,9% або 594,1 млрд. (на 1 красавіка суадносіны складалі 195,7%, на 1 мая 2008 годы – 145,3%) і машынабудаванні і металаапрацоўцы - 173,7% або 3286,7 млрд. (адпаведна 166,3% і 81,4%).

У лясной, дрэваапрацоўчай і цэлюлозна-папяровай прамысловасці суадносіны склалі 118,4% або 336,5 млрд. (109,9% на 1 красавіка 2009 года і 72,6% на 1 мая 2008 годы), у харчовай — 90,1% або 1267,8 млрд. (96,8% і 77,7%), у хімічнай і нафтахімічнай прамысловасці — 81,9% або 802,2 млрд. (83,3% і 38,8%), у прамысловасці будаўнічых матэрыялаў — 73,1% або 266,4 млрд. (адпаведна 75,8% і 50,3%), у чорнай металургіі — 69,9% або 241,6 млрд. (59,9% і 5,2%), у паліўнай — 4,8% або 43,5 млрд. (6,1% і 5,9% адпаведна).