Кошты на лекі і медтэхніку вырастуць

• 3.04.2009, 9:36

Занесеныя змены і дадаткі ва ўказ ад 11 жніўня 2005 года № 366 «Аб фарміраванні коштаў на лекавыя сродкі, вырабы медыцынскага прызначэння і медыцынскую тэхніку».

Як паведамляе прэс-служба Лукашэнкі, прыняты ўказ, які дазваляе пералічваць кантрактны кошт на выпушчаныя ў вольнае абарачэнне пасля 1 студзеня 2009 года медыцынскія тавары, па якіх лічыцца крэдыторская запазычанасць па абавязаннях перад пастаўшчыкамі, па афіцыйным курсе Нацыянальнага банка на першае чысло кожнага месяца.

Дадзеная норма распаўсюджваецца і на рэшткі імпартных медыцынскіх тавараў, якія паступілі на мытныя склады пасля 1 студзеня 2009 года і не рэалізаваныя на першае чысло наступных месяцаў.