Актывіста апазіцыі шантажуюць размеркаваннем у Чарнобыльскую зону

• 15.01.2009, 9:57

Актывіста руху «За Свабоду» Алега Пронскага выклікалі да першага прарэктара Гарадзенскага дзяржаўнага аграрнага ўніверсітэта на «прафілактычную гутарку» з нагоды яго грамадскай актыўнасці.

Апазіцыянеру паказалі здымкі са штогадовага фэсту ўшанавання памяці братоў Каліноўскіх у Свіслачы і раздрукоўку інфармацыі аб гэтай акцыі з сайта dzida.org, паведамляе «Еўрарадыё».

Прарэктар параіў Алегу Пронскаму спыніць грамадска-палітычную дзейнасць, інакш гаспадарка, у якую размеркаваны студэнт 5-га курсу, можа адмовіцца ад такога спецыяліста, і ўніверсітэт вымушаны будзе пераразмеркаваць яго ў Гомельскую вобласць.