Таксі падаражэе неўзабаве

• 3.09.2008, 11:22

Аператары таксі ў Менску рыхтуюць дакументы на падвышэнне тарыфаў на праезд.

Аб гэтым паведаміў БелаПАН старшыня асацыяцыі "Сталічнае таксі" Канстанцін Кузьмянкоў. Ён аспрэчыў інфармацыю некаторых СМІ аб тым, што з 1 верасня будуць падвышанымі тарыфы на праезд у таксі.

"Дакладная дата падвышэння тарыфаў пакуль не ўсталяваная. Аператары вінныя прывесці эканамічнае абгрунтаванне падаражэння паслугаў, а потым падаць дакументы ва ўпраўленне коштавай палітыкі Мінгарвыканкаму, дзе вінная адбыцца працэдура рэгістрацыі новага кошту", — паведаміў К.Кузьмянкоў.

Пры гэтым ён зазначыў, што жаданне таксістаў падвысіць кошты звязана з ростам коштаў на паліўна-змазвальныя матэрыялы і запасныя часткі.

Нагадаем, апошняе падвышэнне тарыфу на праезд у таксі было 5 лістапада 2007 году. Тады праезд падаражэў на 20%. Цяпер тарыф складае 1.320 рублёў за адзін кіламетр.

У асацыяцыю "Сталічнае таксі" уваходзяць 20 аператараў, якія прадстаўляюць паслугі таксі ў Менску.