Сусветныя кошты на нафту зноў знізіліся

• 24.09.2008, 9:30

Кошты на нафту на сусветных рынках пасля значнага падвышэння ў панядзелак у аўторак прадэманстравалі паніжэнне на 2,52-2,79%.

Такім чынам, кошт лістападаўскіх ф'ючэрсаў на паўночнамарскую нафтавую сумесь маркі Brent Crude Oil на лонданскай біржы IСE (InterContinental Exchange Futures) па выніках таргоў паменшыўся на 2,79% - да 103,08 даляра за барэль.

На нью-ёркскай біржы NYMEХ (New York Merchantile Exchange) кошт лістападаўскіх ф'ючэрсаў на амерыканскую лёгкую нафту маркі Light Sweet Crude Oil знізіўся на 2,52% - да 106,61 даляра за барэль, а кошт лістападаўскіх расейскіх нафтавых ф'ючэрсаў REBCO (Russian Export Blend Crude Oil) скараціўся на 2,68% і склаў 99,95 даляра за барэль, перадае РІА «Новости».