Сідорскі выступае за паскарэнне пераходу на расейскі рубель у разліках з Расеяй (Абноўлена)

• 20.12.2008, 14:15

Прэм'ер-міністр Беларусі Сяргей Сідорскі ініцыюе паскарэнне пераходу на расейскі рубель у разліках з Расеяй.

"Надыйшоў час хуткіх рашэнняў, калі мы рашэнне прымаем, то навошта нам разлічвацца праз амерыканскую банкаўскую сістэму", - заявіў С.Сідорскі на сустрэчы ў Менску са старшынём расейскага Знешэканамбанка Ўладзімірам Дзмітрыевым, перадае «Інтэрфакс».

Акрамя таго, Сяргей Сідорскі адзначае рост неплацяжоў ва ўзаемных разліках паміж суб’ектамі гаспадарання Беларусі і Расеі, перадае карэспандэнт БелТА.

"Нажаль, мы маем сёння затрымку плацяжоў. Гэта ёсць і ў Расейскай Федэрацыі. Я паглядзеў статыстыку - $2,9 млрд. Рост затрымкі плацяжоў паміж суб’ектамі гаспадарання Беларусі і Расеі - на 60%. Такім чынам, сёння ёсць плацяжы на суму каля $3 млрд., якія трэба развязваць", - сказаў Сяргей Сідорскі.

ЗЭБ і ўрад Беларусі падпісалі ў суботу ў Менску мемарандум аб супрацоўніцтве.

"Яшчэ ў пачатку крызіса, яшчэ ў пачатку восені ініцыятыва выкарыстаць расейскі рубель у якасці рэгіянальнай валюты абмяркоўвалася прэзідэнтамі нашых краін", - сказаў С.Сідорскі. "Мы занеслі прапанову па гэтым пытанні ва ўрад Расеі, яно таксама абмяркоўвалася на ўзроўні кіраўнікоў цэнтрабанкаў", - сказаў прэм'ер.

Па ягоных словах, "ЗЭБ павінен згуляць пэўную ролю ў гэтых працэсах".

У сваю чаргу Ў.Дзмітрыеў падкрэсліў актыўныя дзеянні, што прадпрымаюцца бакамі, па выкарыстанні расейскага рубля ў якасці рэгіянальнай валюты. У прыватнасці, ён адзначыў "вельмі інтэнсіўныя кантакты на ўзроўне нацыянальных валютных біржаў". Па словах раздзела ЗЭБа, "ёсць тэхналагічная аснова для правядзення разлікаў на двух пляцоўках (нацыянальных валютных біржах - ІФ), каб беларускія прадпрыемствы былі дапушчаныя да гандлю на двух пляцоўках, а цэнтрабанкі фарміравалі адпаведныя ламбардные зніжкі для аказання садзейнічання прадпрыемствам у фарміраванні рублёвай ліквіднасці".

"Усё гэта мае пад сабой вельмі сур'ёзныя падставы, і мы, вядома ж, падтрымліваем гэтую ідэалогію", - дадаў кіраўнік ЗЭБа.